गजल

       -लेखनाथ खनाल “अङ्कुर”

मान्छे किन अरूलाई गिराउन तल्लीन हुन्छन्

अरू कै पिडाले जलेको हेर्न सौखिन हुन्छन्

सके मीठो बोलिदेऊ कसैलाई किन घोच्नु र ?

तिम्रा ती वचन कसैलाई तीखा संगिन हुन्छन्

ए ! हेर त यताउता सबैतिर उस्तै त भेटिन्छ

मरी जाने चोलामा यस्तो निष्ठुरी किन हुन्छन्

प्रकृतिले कसैलाई पनि अन्याय छैन गरेको

नभुल्नुस् दुखीको पनि त रात र दिन हुन्छन्

जब समय आउँछ पर्दैन ढलाउनु कसैलाई

अन्तिम दिन जो पनि सहारा विहीन हुन्छन् !!

प्रकाशित मिति : २०७७ साल साउन २० गते मंगलवार ,

     अर्जुनचौपारी-६ स्याङ्जा, (हाल, युएई )