गजल
खै कति कमाइएको रहेछ, पूर्व जन्ममा साहुहरु !
देख्छु उस्तै जमात , चियाउदै छन् लुटने दाउहरु !
धेरै ओखतीहरु खाए, धेरै मल्हमहरु पनि लगाए
निको हुँदैन, कोट्याई दिन्छन ती पुराना घाउहरु !
गर्हौ भारी बोकी कति उकाली ओराली गरियो,
अब त थाकिएछ क्यारे , गल्न थाले यी पाउहरु !
चिसोमा कठ्याँग्रिंदै,भोक-भोकै बिते कयौ रात मेरा,
अहिलेका चल्ला भए अर्कै,अर्घेलो देख्छन माउहरु !
लेखनाथ खनाल “अंकुर “
अर्जुनचौपारी -६ दरौं, स्याङ्जा ।
हाल – युएई ।