स्वतन्त्र गजल

भेटिदैन खै यहाँ मानवता हराएको भान हुन्छ

धन-दौलत रूप मात्र आजकल पहिचान हुन्छ

गरिबीले लखेटिएका लाखौँलाख युवाहरूको

जिन्दगीमा खाडीनै भाग्य पोल्ने आरान हुन्छ

गुण्डा,भ्रष्टहरुको हातमा छ देशको राजनीति

झुठ बोल्दै ठग्ने नै उनीहरूको अभियान हुन्छ

सत्यता मर्दै गएको छ समाजबाट खै किन हो

देख्ने आँखा भन्दा पनि सदर सुन्ने कान हुन्छ

बाँदरले न आफ्नो बनाउछ न राख्छ अर्काको,

क्षणमा यो स्वर्गभूमि उझाडिएको बगान हुन्छ !!

         लेखनाथ खनाल “अंकुर”

  अर्जुनचौपारी-६, दरौं स्याङ्जा ।

प्रकाशित मिति, २०७४ साल मंसिर ४ गते, सोमबार, काठमाण्डौं