गजल

            – नमिता दवाडी

यी आँखा भिज्दा ऊ हाँस्ने कारण भेटेको छैन ।

शायद पानी परेपछिको आकाश देखेको छैन ।

खाली खुकुरी अचानोकै चर्चा सुन्छु जताततै ,

लाग्छ के अरू कसैलाई फूलले कोतरेको छैन ?

आफूले दिएको कुरा मात्र गरिरहन्छ ऊ सधैँ ,

पोखिँदा यौवन सँगै रित्तिएको बुझेको छैन ।

तिमी गएदेखि नै खाली छ ,आऊ फेरि बस,

टेक ,मलमल झैँ छ मुटु कसैले टेकेको छैन ।

म त मै भइहालेँ,चिन्ता मालिककै इज्जतको हो ,

जून निभेको छैन ,बस्तीमा मान्छे सुतेको छैन ।

गोर्खा नेपाल ,(हाल न्युजिल्यान्ड )

– प्रकाशित मिति, २०७७ साल श्रावण ९  गते ,शुक्रवार