असुरक्षित शोभा – कविता
![](https://karobaraja.com/wp-content/uploads/2020/07/108286496_593752801279939_876715859986121336_n.jpg)
– लक्ष्मण चौलागाईं
प्रकृतिको आफ्नै ध्यानले निर्मित फूल
तिमीलाई एउटा निर्दयीले च्वाट्ट चुँडीदिन्छ
तिमीपनि असुरक्षित आफ्नो सुन्दरतामा
कहाँ पो बाँच्न पाएको छौ र ?
कैयन भमराले तिम्रै रस चुसेर
माहुरीको महको खजाना लुटिदिन्छ
आज त्यही फूल
आफू असुरक्षित शोभा बोकेर फुलिरहेको छ
कसले भरेको रङ्गको कला हो त्यो
कसले छरेको सुवास हो यो
आफैंमा सुगन्धित शोभा बोकेर
हामी सबैको आँखामा अटाइरहेको छ….
प्रकाशित मिति ,२०७७ साल, श्रावण ३ गते, शनिवार