शुभकामना
![](https://karobaraja.com/wp-content/uploads/2018/10/41667180_524719797939792_3837308551739473920_n.jpg)
शुभकामना
विजया दशमीमा
रमाऔँ सबै ।
पूर्णता प्राप्त
सबैको जीवनमा
मनोकामना ।
प्रवेश छ है
दुर्गा माताको यहाँ
सौम्य रूपमा ।
तेज र ओज
झलझलाकार नै
शक्ति रुपिनी ।
आज यो धरा
प्रदिप्त भएको छ
तिनको तेज ।
विजय गरी
पूर्णता प्राप्ति स्वयम्
उज्वल पूर्ण ।
सूर्यको तेज
उदाएकी नै तिनी
अति प्रफुल्ल ।
विविध नाम
यश कीर्तिका साथ
पाइला टेकी ।
नेपाली धर्ती
प्रकाशमय गर्दै
दिएर खुसी ।
रमाऔँ सबै
माताको आशीर्वाद
जन्म जन्ममा ।
आउने छैन
कुनै आपत्ति अब
यस धरामा ।
नेपाली सबै
आनन्दित बन्नेछौ
कृपा तिनकै ।
प्रकाशित मिति २०७५ साल आश्विन २९ गते ,सोमवार