आमा

सुर्यजस्तो ठुलो रातो टिका निधारमा लगाउँदा

मेरी आमा साह्रै राम्री देखिनुहुन्थ्यो

संसारकै सबभन्दा तेजस्वी स्वास्नीमानिस

तर बुवा बित्नुभएदेखि आमाले टिका लगाउन छोड्नुभयो

बिना टिका मलिनो देखिन्छ आमाको अनुहार

जव गोधुलिको बेला

निधारमा सुर्यको रातो टिका लगाएको

आकाशलाई देख्छु

म आमालाई सम्झिन्छु

रातो टिका लगाएको आकाशपनि राम्रो देखिन्छ

तर, आमाजस्तो राम्रो होइन

काठमाण्डौं