निर्वाचनमा डोल्पा र मनाङका रेकर्डहरु
दस्तावेज संवाददाता काठमाण्डौं ,जेष्ठ ४, २०७४- पहिलो चरणको स्थानीय निर्वाचनमा अहिलेसम्ममा डोल्पा र मनाङले विभिन्न किसिमका रेकर्डहरु राखेका छन् । कतै अत्याधिक प्रतिशत मतान्तरमा जितेका छन् भने कतै ज्यादै थोरै मतले विजय पाएका छन् ।
डोल्पा
११५० प्रतिशत बढी
डोल्पाको काईके गाउँपालिकामा जित्ने एमालेका अंगद रानाले ९२० मत ल्याएका छन् भने निकटतम प्रतिद्दन्दी काँग्रेसका हिराबहादुर रोकायले ८० मत ल्याएका छन् । जित्नेले आफ्ना निकटतम् प्रतिद्दन्दीले भन्दा ११५० प्रतिशत बढी मत ल्याएका छन् ।
चामे
सबैभन्दा कम मतको विजय
मनाङको पोल्टामा भने सबैभन्दा कम मतले जित्ने रेकर्ड परेको छ । मनाङको चामे गाउँपालिकामा एमालेका लोकेन्द्रबहादुर घलेले जम्मा २ सय १४ मत ल्याएका प्रमुखमा निर्वाचित भए । उनको निकटतम प्रतिद्दन्दी अनिता लामाले १ सय ७३ मत पाए । 
नारफु
त्यसो त सबैभन्दा कम मतदाता भएको गाउँपालिका मनाङको नारफु हो । त्यहाँको कुल मतदाता ३ सय ६२ रहेका छन् । मनाङको नारफु र डोल्पाको शे–फोक्सुण्डोमा गाउँपालिका प्रमुखलाई निर्विरोध चयन गरेको पनि रेकर्ड छ । स्मरण रहोस् शे–फोक्सुण्डोको कुल मतदाता १ हजार ४ सय ६६ रहेको छ ।