दैलेखको नारायण नगरपालिकामा कर्फ्यु जारी
![](https://karobaraja.com/wp-content/uploads/2017/05/dailekh-map-1.jpg)
दस्तावेज संवाददाता,दैलेख,जेष्ठ २, २०७४/ सम्भावित झडपको त्रासले स्थानीय प्रशासनले मंगलबार बेलुकी ७ देखि भोलि बिहान ५ बजेसम्मका लागि दैलेखको नारायण नगरपालिकामा कर्फ्यु जारी गरेको छ । हिजो साँझ कांग्रेस र एमालेबीच झडप भएपछि नगरपालिका त्रासमय बनेको थियो ।
वडा नम्बर एकका कांग्रेस उम्मेदवार बलराम श्रेष्ठको घरमा एमाले उम्मेदवारले ढुंगामुढा गरेपछि प्रशासनले शान्ती सुरक्षा कायम गर्न नसघाएको आरोप कांग्रेसको छ । कांग्रेस र एमालेबीचको विवाद बढ्दै जाँदा नगरपालिकामा सम्भावित खतरालाई रोक्न जिल्ला प्रशासनले अनिश्चितकालको लागि निषेधाज्ञा जारी गरेको हो ।