चलचित्र “संरक्षण”ले पोलिटिक्सका ५ पावरलाई प्रतिनिधित्व गर्ने
दस्तावेज संवाददाता ,श्रावण १६ ,सोमबार ,२०७४ काठमाण्डौं – राजधानीमा आयोजित पत्रकार भेटघाट कार्यक्रममा बोल्दै निर्देशक पूर्णेन्द्रकुमार झाले फिल्म ‘संरक्षण’ले हाल देशका घटिरहेको घट्नालाई उजागर गएको बताएका छन् । उक्त चलचित्र ‘पावर, पोलिटिक्स, पुलिस, प्रेस र पव्लिकमा केन्द्रित रहेको छ । पावरका लागि मानिसले पोलिटिक्स गर्छ र पोलिटिक्सले चाँहि पुलिस र प्रेसलाई आफ्नो सुविधा अनुसार प्रयोग गर्छ । तर, त्यो पोलिटिक्सले पुलिस र प्रेसलाई गलत तरिकाबाट प्रयोग गरिदियो भने त्यसको असर पव्लिकलाई पर्छ । फिल्मले यही समसामयिक विषयको उठान गरेको छ ।
संरक्षण मधेश केन्द्रित फिल्म होइन । फिल्ममा हिमाल, तराई पहाड सबैको मिश्रण छ, कलाकारदेखि कथावस्तुमा पनि । यो कुनै मधेशको लागि होइन पूरा नेपालका लागि ‘संरक्षण’ निर्माण भएको हो ।’ फिल्ममा धेरै कलाकार भएपनि कसैको पनि भूमिका कमजोर नभएको उनले बताएका छन् ।
यस फिल्ममा नायक सौगात मल्लले आफ्नो डिएसपी थारुको भूमिका निर्वाह गरेका छन् । ‘संरक्षण’ले देशको समस्या बोकेको छ । झण्डै ४ वर्षदेखि फिल्मको विषयमा हाम्रो कुराकानी भैरहेको थियो । मलाई स्क्रिप्ट चित्त बुझेका कारण नै काम गरेको हुँ ।’ नायक सौगात मल्लले भनेका छन् ,पहिलो पटक निखिल उप्रेतीसँग काम गर्न पाउँदा खुशी महशुस गरेको उनले बताए ।
यस्तै, नायिका अशिष्मा नकर्मीले फिल्मले ५ वटा ‘पी’ लाई समाबेश गरेको छ । ‘पावर, पोलिटिक्स, पुलिस, प्रेस र पव्लिक । मैले पव्लिकबाट प्रतिनिधित्व गरेको छु । पव्लिकले यो प्रेस, पोलिटिक्सबाट के चाहन्छ र पव्लिकको पावर कति हुन्छ यी सबै कुरा फिल्ममा देखाइएको छ । मैले पाएको भूमिका न्यायपूर्वक निर्वाह गर्नसकेँ जस्तो लाग्छ ।’, उनले भनिन् ।
फिल्मका अर्का मुख्य कलाकार प्रमोद अग्रहरीले फिल्ममा सौगात र आफ्नो ड्रामा दर्शकहरुले हेर्न पाउने बताए । उनले भने, ‘म फिल्ममा चित्रकब्राको भूमिकामा छु, जो मधेशको नेताको साइट ह्यान्ड हो ।’
फिल्मलाई प्रदिपकुमार उदय, नरेन्द्र महर्जन, नन्दु श्रीवास्तव र स्वेता शाहले संयुक्त रुपमा निर्माण गरेका हुन् । फिल्ममा परवेश मल्लिकको संगीत, पुरुषोत्तम प्रधानको छायांकन, हिमाल केसीको एक्सन छ । निखिल उप्रेती र सौगात मल्ल अभिनित फिल्म ‘संरक्षण’ साउन २७ गतेबाट अल नेपाल प्रदर्शनमा आउँदैछ । मधेशको कथा बोकेको फिल्म ‘संरक्षण’लाई पूर्णेन्द्रकुमार झाले निर्देशन गरेका हुन् । फिल्ममा निखिल उप्रेती, सौगात मल्ल, कामेश्वर चौरासिया, मलिना जोशी, प्रमोद अग्रहरी, कामेश्वर चौरासिया, अशिष्मा नकर्मीको मुख्य भूमिका रहेको छ ।