असार १,काठमाडौँ – तिम्ल्याहा डाक्टरका पिता गायक शिवप्रसाद देवकोटाले निक्कै नै रमाइलो गीत सार्वजनिक गरेका छन् । ‘रातीको १२ बजे…’ बोलको यो रमाइलो गीतको भिडियो युट्युब मार्फत सार्वजनिक गरेका हुन् । गायक देवकोटाकै शब्द र सङ्गीतमा यो गीत तयार भएको हो । गीतको एरेन्ज भने नरेन्द्र वियोगीले गरेका छन् ।
यो गीतको म्यूजिक भिडियोमा अहिलेकी हट मोडल माला लिम्बूले अभिनय गरेकी छिन् । अर्को रमाइलो कुरा त यो गीतको म्यूजिक भिडियोमा गायक देवकोटाका छोराहरू तिम्ल्याहा डाक्टर दाजुभाइ सौगात, सौजन र सौरव देवकोटाको अभिनय रहेको छ । यो म्यूजिक भिडियोमा डी-इन्सेक्ट क्रुले निर्देशन र अभिनय पनि गरेको छ । यसमा ज्ञानेन्द्र शर्माको छायांकन र प्रविन श्रेष्ठको सम्पादन रहेको छ ।तिम्ल्याहा डाक्टर दाजुभाइहरू अहिले एमबिबिएसको अध्ययन पुरा गरी एमडीको तयारीमा छन् ।
