दुर्गा बि. सी. को नयाँ लोक गीतको अल्वम ‘परदेशी छोरो’ सार्वजनिक
![](https://karobaraja.com/wp-content/uploads/2017/05/18424657_1503602186356903_261783992_n.jpg)
राजकुमारी श्रेष्ठ
दस्तावेज संवाददाता,ईजरायल, ईजरायलको माटोमा संघर्ष गर्दै लोक गीत संगीतलाई हमेशा मायाँ गर्दै आफ्नो कला वेलाबखत प्रस्तुत गर्दै आएका गायक दुर्गा बि. सी. को नयाँ लोक गीतको अल्वम ‘ परदेशी छोरो ‘ सार्वजनिक भएको छ । बाग्लुङ जिल्लाको दमेक गा .बि .स . मा जन्मेका दुर्गा बि. सी .को हालको घर नवलपरासीको दुम्किबास हो । उनि सानैदेखि गीत संगीतमा बिशेष चासो राख्थे । उनलाई बिशेष गरि लोक संगीतमा झुकाव थियो । उनले गाउँ घरमा स्कुलमा हुने लोकगीतको हरेक कार्यक्रममा भाग लिन्थे । गुरुहरु बलराम सुवेदी ,मोहनलाल कलवारले उनिलाई उनको प्रशंसा गर्दै अगाडि बढ्नको लागि प्रेरणा दिन्थे । एस. एल. सी. पासपछि संगीत सिक्ने चाहना त थियो तर मध्यम परिवारमा जन्मेका उनिले आर्थिक अभावको कारण संगीत सिक्न पाएनन ,तरपनि उनले हार खाएनन । उनलाई एक दिन नव प्रतिभा गायक भनि कार्यक्रममा बोलाईयो । उनको प्रस्तुती सुनेर सुशान्त घिमिरेले उनलाई कार्यक्रम सकिएपछि भेट्न आए अनि हामी मिलेर एल्बम निकालौ भन्ने कुरा गरे । त्यसबेला उनि निकै खुशी देखिए । त्यसपछि उनिहरु बलराम सुवेदीले लेखेका ‘दाउन्ने कि नानी ‘ भन्ने एल्बम रेकर्ड गर्न भनी काठमाडौ गए । तर उनिहरुले सोचे जस्तो भएन । त्यतिबेला उनि निकै निरास भए जुनवेला उनको गीत छनौट भएन । गायक बन्ने सपना बोकेर हिडेको पहिलो गाँस मै ढुङ्गा लाग्यो ।
लगातारको प्रयासपछि अन्तत:उनले परदेशी भुमी ईजरायलमा रहेर पनि लोक संगीतमा आफ्नो निकै सक्रियता देखाए। जसको फलस्वरुप “परदेशी छोरो ” इजरायल मै रेशम क्षेत्री , नवगायिका किशु गुरुङ को सहयोगमा रेकर्ड गरिएको छ । जुन गीतमा लय वरिष्ठ संगीतकार तथा सर्जक एकनारायण भण्डारीको रहेको छ भने सब्द दुर्गा बि. सि.र आवाज लोक दोहोरी क्षेत्रकी तारा ‘ बिमा कुमारी दुरा ‘र दुर्गा बि. सि.को रहेको छ । पछिल्लो समयमा परदेशी गितहरु बजारमा निकै आए पनि यो “परदेशी छोरो”नामक गित अरु भन्दा फरक रहेको छ जहाँ एउटा परदेशी छोरो र आमा बिचको संवादलाई लाई दोहोरी मार्फत प्रस्तुत गरिएको छ, जसमा आमा भन्छिन ” भन्छौ छोरा केही साल आउदिन मेरो बाबू आँखाको नानी लाई देख्न पाउँछु कि पाउदिन अनि छोरा भन्छन ” अब बिदेश कहिले आउदिन , जस्ले संसार देखाए उनैलाई देख्न बरु पाउछु पाउदिन ” । निकै मार्मिक शब्द ,स्वर र लय रहेको ‘परदेशी छोरो’ दर्शक श्रोताहरुले अवश्य मनपराउनु हुनेछ । गायक दुर्गा बि. सि. को सांगीतिक भविष्यको लागि दस्तावेज डट कमको तर्फबाटअग्रिम शुभकामना !