पूर्वयुवराज पारस फेरी विवादमा

दस्तावेज ,आश्विन ६ गते, शुक्रबार,२०७४,काठमाडौं –लामो समय थाइल्याण्ड रहँदा कन्निका चाइसर्नसँगको सम्बन्धका कारण चर्चामा रहेका पूर्वयुवराज पारस शाह फेरी विवादित बनेका छन् । चाइसर्नले बिहिबार राती आफ्नो फेसबुकमा पारससँगको निकटता झल्किने केही  तस्विर पोस्ट गरेपछि उनी फेरी विवादित बनेका हुन् । चाइसर्नले उनले बिहीबार राति करिब १० बजे पारससँगका चार फोटो पोस्ट गरेकी थिइन् ।

कन्निकाले तस्विर सार्वजनिक गर्नुको कारण भने उल्लेख गरेकी छैनन् । केही वर्षअघि पारस कन्निकाका साथ थाइल्यान्ड बसेका थिए । त्यतिवेला पारस गम्भीर बिरामी परेका थिए । कन्निकाकै कारण उनी थाइल्याण्डमा पटक पटक पक्राउ परेको चर्चा पनि बेला बेला सुनिन्छ । केही समययता भने पारस काठमाडौँ बस्न थालेका छन् ।