नारायणगढ-मुग्लिन सडक खण्डमा फेरी पहिरो गयो
![](https://karobaraja.com/wp-content/uploads/2017/06/land-slide_KEYchzZYsM-1.png)
असार ११, २०७४- नारायणगढ–मुग्लिन सडक खण्ड अन्तर्गत साढे २ किलो भन्ने स्थानमा आइतबार दिउँसो पुनः ठुलो पहिरो खसेर सवारी आवागमन बन्द भएको छ । पहिरो ठुलो भएकाले पन्छाउन १६÷१७ घण्टा लाग्ने सडक आयोजनाले जनाएको छ । सवा ३ बजे पहिरो गएपछि राजमार्ग अवरुद्ध भएको हो ।
उक्त स्थानमा ४ देखि ११ मिटर अग्लो पहिरो खस्दा सडकको ४० मिटर लम्बाई ओगटेको नारायणगढ– मुग्लिन सडक आयोजनाका इन्जिनियर शिव खनालले बताए । ‘राति पहिरो पन्छाउन सम्भव छैन,’ उनले भने, ‘ठुलो पहिरो खसेकोले पन्छाएर सवारी सुचारु गर्न समय लाग्छ ।’
राति गएको पहिरो आइतबार बिहान पन्छाएर सवारी सुचारु गरे पनि दिउँसो ३ बजेबाट पुनः पहिरो गएकाले सवारी आवागमन ठप्प भएको हो । ‘रातिकोभन्दा ठुलो पहिरो खसेको छ,’ जिल्ला प्रहरी प्रमुख एसपी दिपक थापाले भने, ‘यो पन्छाउन लामो समय लाग्न सक्छ । पहिरो पन्छाउने काममा जोखीम भएकाले आयोजनाले राति पन्छाउने गर्दैन । अहिले त्यस क्षेत्रमा ठुलो संख्यामा सवारीको लाइन लागेको छ ।