शीर्ष नेता र उम्मेदवारको मतदान [फोटो फिचर]

deepshikha Sharma प्रकाशित मिति : ३१ बैशाख २०७४, आईतवार ०५:२८

वैशाख ३१, २०७४- आइतबार बिहान ७ बजेदेखि स्थानीय तहको मतदान सुरु भएको छ । स्थानीय तह (पहिले निकाय)को चुनाव २० वर्षपछि भएको हो । ३४ जिल्लाका २ सय ८३ स्थानीय तहका लागि चुनाव तय भए पनि दुइटा स्थानीय निकायमा निर्विरोध भएकाले २ सय ८१ स्थानीय तहमा बिहान ७ बजेदेखि मतदान सुरु भएको हो । पहिलो चरणको चुनावमा प्रधानमन्त्री पुष्पकमल दाहाल, एमाले महासचिव ईश्वर पोखरेल, राप्रपा अध्यक्ष कमल थापालगायतका शीर्ष नेताले मतदान गरेका छन् । एमाले अध्यक्ष केपी शर्मा ओलीले भने दिउँसो ११ बजे मतदान गर्नेछन् । काठमाडौं सहित देशका चारवटै महानगरपालिकाका उम्मेदवारले पनि मतदान गरेका छन् ।